ഭ്രൂണഹത്യ

- ആരിഫ നസ്രീൻ

അവനധരം മൊഴിഞ്ഞതോ അവളുദരം കേട്ടനാൾ 

എൻ ജീവൻ തുടിപ്പുകൾ നിലച്ചതല്ലേ 

നിൻ മേനികളിൽ വിളയാടിയ കാമത്തിൻ സുഖം മാത്രമോ ഞാൻ? 

നിൻ ഉദരത്തിൽ അവൻ വിത്ത് പാകിയ നാൾ 

ഞാനും കൊതിച്ചു

 ആ നിറമാർന്ന ലോകത്തിനായ്.. 

കണ്ട കനവുകൾ നീണ്ട നിനവുകളതിന്നാർക്കു  വേണ്ടി? 

 

വിണ്ണിലെ മാലാഖ കൂട്ടങ്ങളോടൊത്തു

പാറി പറന്നീടണം

 ഈ പൊന്നോമനയ്ക്കും

മയങ്ങും സന്ധ്യയിൽ നീരാട്ടിനെത്തും

അമ്പിളി ദേവിയെ കാണണമെനിക്കും

പുലരി നേരം പാതിമയാൽ

നിൽക്കും കതിരുകളെ 

വാരി പുണർന്നീടുവാൻ

അമ്മതൻ കൈ കോർത്തു നടക്കുവാൻ 

എന്നമ്മതൻ മാറിലായി ചേർന്നുറങ്ങുവാൻ

നീളെ കൊതിച്ചതല്ലേ

ഞാനുമ്മമ്മേ....